Saatlı Rayon Polis Şöbəsinin əməkdaşları tərəfindən keçirilən əməliyyat-axtarış tədbirləri nəticəsində narkotik vasitələrin qanunsuz dövriyyəsini təşkil etməkdə şübhəli bilinən iki nəfər saxlanılıb.
Cenublu.az xəbər verir ki, 34 yaşlı Alxan Ağarəhimov və 35 yaşlı Elvin Mehdiyev polis əməkdaşları tərəfindən tutulub. Baxış zamanı onların üzərindən 6 kiloqrama yaxın həşiş və marixuana aşkar edilərək götürülüb.
İlkin istintaq zamanı saxlanılan şəxslər sosial şəbəkələr vasitəsilə tanış olduqları, şəxsiyyəti istintaqla araşdırılan İran vətəndaşı tərəfindən narkokuryerliyə cəlb edildiklərini etiraf ediblər.
Faktla bağlı cinayət işi başlanılıb, məhkəmənin qərarı ilə hər iki şəxs barəsində həbs qətimkan tədbiri seçilib. Araşdırmalar davam etdirilir.
Bundan əlavə, Saatlı Rayon Polis Şöbəsinin əməkdaşları tərəfindən qanunsuz saxlanılan silahların könüllü təhvil verilməsi istiqamətində aparılan profilaktik tədbirlər nəticəsində bir rayon sakini qanunsuz olaraq saxladığı avtomatı polisə təhvil verib.
