Astaralı dünya çempionu Ruzanna Məmmədova üçün qarşılanma mərasimi keçirilib. Bu haqda bu gün, 11 avqust tarixində Cenublu.az xəbər verir.
Sərbəst güləşçimiz İtaliyanın Roma şəhərində keçirilən dünya çempionatında qızıl medal qazanıb. Millimizin üzvü Ruzanna anadan olduğu Mişkəmə kəndində fəxrlə qarşılanıb. Onun qalibiyyətinin şərəfinə mərasim təşkil olunub.
Daha sonra Ruzanna Məmmədova şəhidlərimizin xatirəsinə ucaldılmış abidəni ziyarət edib.
Qeyd edək ki, fəxrimiz həm də Avropa çempionu titulunun sahibidir.
