Lənkəran rayonunun Raypo ərazisində yaşayan sakinlər küçə işıqlarının vaxtından əvvəl söndürülməsindən şikayətçidirlər. Sakinlərin sözlərinə görə, illərdir küçə işıqları gecə saat 01:00 radələrində söndürülürdü. Lakin son vaxtlar artıq saat 12-dən sonra küçələr tamamilə qaranlığa qərq olur.
Şikayətçilərin Cenublu.az -a verdiyi məlumata görə, küçələrdə çoxlu sayda sahibsiz itlər var və qaranlıq səbəbindən insanlar gecə saatlarında rahat şəkildə küçəyə çıxa bilmirlər. Xüsusilə uşaqlar və yaşlı insanlar üçün vəziyyətin təhlükəli olduğu vurğulanır.
"Gündüz işıq yanır, gecə isə küçələr zülmət içində qalır. İnsanların təhlükəsizliyi nəzərə alınmalıdır," – deyə ərazidə yaşayan sakinlər bildirirlər.
Vətəndaşlar məsələ ilə bağlı aidiyyəti qurumlara çağırış edərək, küçə işıqlarının gecə saatlarında söndürülməməsini və problemin qısa zamanda həll olunmasını istəyirlər.
