Lənkəran şəhər İcra Hakimiyyəti başçısının sabiq müavini Rəsilə Arifqızının cinayət işi üzrə məhkəmə prosesi başlayıb. Bu haqda məlumatı Cenublu.az bu gün, 6 sentyabr tarixində Apa.az-a istinadən verir.
Lənkəran Rayon Məhkəməsində hakim Rəşad Məmmədovun sədrliyi ilə keçirilən hazırlıq iclasında iş üzrə ilkin dinləmələr keçirilib. İstintaqın gedişi zamanı Rəsilə Arifqızının heç yerə getməməsi barədə qətimkan tədbiri seçildiyi elan olunub.
Dövlət ittihamçısı seçilmiş qətimkan tədbirinin dəyişdirilməsi üçün əsaslar olmadığını bildirərək işin baxışa təyin olunmasını istəyib. Məhkəmə prokurorun vəsatətini təmin edib.
Qeyd edək ki, baxış iclası 12 sentyabr tarixində keçiriləcək.
