Astaralı millət vəkili, Əməkdar həkim Rəşad Mahmudov qan qohumlarının nikaha daxil olması ilə bağlı fikirlərini bildirib. Bu haqda məlumatı Cenublu.az bu gün, 12 iyun tarixində verir.
Deputat bildirib ki, yaxın qohum evliliklərini qadağan etmək bəlkə də beynəlxalq hüquq səviyyəsində suallar, problemlər yarada bilər.
"Əmi, bibi uşaqlarının evlənməsinin qadağan edilməsində dini məsələlər, milli dəyərlərimiz və insanların hüquq və azadlıqları iki qütbə ayrılır. Düşünürəm ki, bu məsələdə insanları maarifləndirərək, bilgi verərək mane ola bilərik. Fikrimcə, buna əngəl olmaqla, qadağa qoymaqla, əksinə, ona qarşı çıxanların, alternativ yollar axtaranların sayı artacaq”, – deyə Rəşad Mahmudov əlavə edib.
