Cəlilabad Rayon İcra Hakimiyyəti başçısı Rafiq Cəlilov vətəndaşları qəbul edib. Bu haqda məlumatı Cenublu.az bu gün, 26 yanvar tarixində verir.
Görüş Göytəpə şəhər sakinlərinin iştirakı ilə baş tutub. Qəbula rayon İcra Hakimiyyəti aparatının məsul şəxsləri, hüquq-mühafizə orqanlarının rəhbərləri, yerli idarə və müəssisələrin nümayəndələri cəlb olunublar.
İcra başçısı İcra Hakimiyyətinin səlahiyyətlərinə aid olan məsələlərin yerindəcə həll olunmasına dair göstərişlərini verib, qalan məsələlər barədə aidiyyəti qurumlara rəsmi müraciətlərin olunmasını tapşırıb.
Qəbulun keçirilməsində məqsəd vətəndaşların gündəlik qayğı və problemlərinin öyrənilməsi, onları narahat edən məsələlərin yerində araşdırılmasıdır.
