Cəlilabad rayon İcra Hakimiyyətinin başçısı Rafiq Cəlilov Göytəpə şəhərində tikiləcək xəstəxananın layihəsi ilə tanış olub. Bu haqda məlumatı Cenublu.az bu gün, 28 dekabr tarixində verir.
Rayon rəhbəri görüləcək işlərlə əlaqədar iş icraçıları ilə müzakirələr aparıb. Görüləcək işlər barədə ətraflı məlumat verən iş icraçısı vurğulayıb ki, 2,0 ha sahədə inşa olunacaq və 3 mərtəbəli olmaqla 60 çarpayıdan ibarət olacaq səhiyyə ocağında şəhər sakinlərinə səhiyyə sahəsində ən yüksək səviyyədə tibbi xidmət göstərilməsi üçün hər cür şərait yaradılacaq.
Tikiləcək xəstəxananın layihəsi ilə tanış olan icra başçısı işlərin keyfiyyətlə aparıldığını qeyd edib, tapşırıq və tövsiyələrini verib.
