Cəlilabadlı tələbənin vəfatı ilə bağlı açıqlama paylaşılıb. Bu haqda məlumatı Cenublu.az bu gün, 5 yanvar tarixində Report.az-a istinadən verir.
Cəlilabad rayonunun Sabirabad kənd sakini Sevil Cabbar qızı İbayevanın qızılca xəstəliyindən dünyasını dəyişməsi ilə əlaqədar TƏBİB-dən açıqlama verilib. Bildirilir ki, 21 yaşlı gənc qız 30 dekabr 2023-cü ildə Cəlilabad Rayon Mərkəzi Xəstəxanasının Reanimasiya şöbəsinə ağır vəziyyətdə hospitalizasiya olunub.
Burada tələbəyə dəqiqləşdirilməmiş pnevmoniya diaqnozu qoyulub. Xəstəyə zəruri tibbi yardım göstərilib. Lakin həkimlərin səylərinə baxmayaraq, İbayevanın həyatını xilas etmək mümkün olmayıb və o, 4 yanvar saat 10:30 radələrində vəfat edib.
Qeyd edək ki, mərhum Azərbaycan Dövlət Pedaqoji Universitetinin sonuncu kursunda təhsil alırdı.
