Astara Rayon İcra Hakimiyyətinin başçısı Qəzənfər Ağayev növbəti səyyar qəbul-görüş keçirib. Bu haqda məlumatı Cenublu.az bu gün, 26 yanvar tarixində verir.
Səyyar qəbul Kijəbə qəsəbəsində baş tutub. Buraya rayonun idarə və müəssisələrinin rəhbərləri cəlb olunublar.
İcra başçısı qeyd edib ki, bundan qabaq keçirilən qəbullarda verilən təkliflər əsasında qəsəbədaxili və kəndlərə gedən əksər avtomobil yolları asfaltlaşdırılıb, qəsəbənin əsas küçələrində işıqlandırma sistemi quraşdırılıb, yeni məktəb binaları tikilıb, xəstəxana əsaslı təmir olunub, böyük yaşayış məntəqələri qazlaşdırılıb və elektrik xətt təsərrüfatında təmir işləri aparılılıb.
Görüşdə sakinlər qəsəbədə olan ictimai yaşayış binasının damının dəyişdirilməsi, piyada körpüsünün təmiri, Lovayın kənd tam orta məktəbi üçün yeni binanın tikilməsi, qəsəbəni yuxarı kəndlərlə birləşdirən elektrik xəttində ayırıcı açarın qoyulmasına köməklik göstərilməsi ilə bağlı müraciətləri bildiriblər.
