Astara Rayon İcra Hakimiyyətinin başçısı Qəzənfər Ağayev Budo döyüş növləri üzrə açıq Beynəlxalq çempionatda qalib gələn astaralı idmançıları qəbul edib. Bu haqda məlumatı Cenublu.az bu gün, 2 iyun tarixində verir.
Görüşdə Savat Federasiyasının nəzdində fəaliyyət göstərən “Astara Aslan” Əlbəyaxa Döyüş İdman Klubunun direktoru, III dan qara kəmər ustası Zamin Baxşıyev məlumat verib ki, 25-29 may 2023-cü il tarixlərində Dünya Budo Döyüş Növləri Federasiyasının Bakı şəhərində keçirilən Budo döyüş növləri üzrə açıq Beynəlxalq çempionatında Astara rayon komandası iştirak edib və 4 qızıl və 3 gümüş medal qazanıb.
“Free contact” versiyası üzrə Səbinə Səmədzadə (40 kq, 2010), Mirzə Əliyev (50 kq, 2008), Ümüd Zeynallı (50 kq, 2009), Orxan Mirzəyev (60 kq, 2008) I yeri, Sərdar Həmidzadə (30 kq, 2009), Hasil Yusifli (30 kq, 2011) və Şəhriyar Mərufzadə (25 kq, 2010) II yeri qazanıblar.
Qalib idmançılar yarış təəssüratlarından danışıb, səmimi qəbula və dəstəyə görə icra başçısına minnətdarlıq ediblər.
