Xəzərin Astara rayonu akvatoriyasında qanunsuz balıq ovlayan şəxs saxlanılıb. Bu haqda məlumatı Cenublu.az bu gün, 2 may tarixində Dövlət Ekoloji Təhlükəsizlik Xidmətinə istinadən verir.
Araşdırma zamanı həmin şəxsin Astara rayon sakini Şahhüseyn Qəhrəmanov olduğu müəyyən edilib. Ondan istifadəsi qadağan olunmuş ov alətləri və qanunsuz ovlanmış balıq aşkar edilərək götürülüb.
Faktla bağlı qanun pozucuları barəsində protokol tərtib edilib və qanunamüvafiq tədbir görülüb.
Qeyd edək ki, balıqların kürütökmə dövrü ilə əlaqədar may ayının 1-dən Azərbaycanda bütün su hövzələrində balıq ovuna moratorium qüvvəyə minib.
