Qəbələdə narkokuryerliklə məşğul olan Astara sakini saxlanılıb. Bu haqda məlumatı Cenublu.az bu gün, 6 yanvar tarixində verir.
Qəbələ Rayon Polis Şöbəsi əməkdaşlarının keçirdikləri əməliyyat tədbiri nəticəsində qaçaqmalçılıq yolu ilə göndərilən narkotik vasitələri onlayn sifariş kimi qəbul edərək ölkə ərazisində çatdırılmasını təşkil edən tanışlar, Astara rayon sakini Şahnur Əliyev və Şabran rayon sakini Fuad Sultanlı saxlanılıblar.
Şəxsi axtarış zamanı onların üzərində daşıdığı idman çantasından 4 kiloqrama yaxın marixuana və 64 qram heroin aşkar edilərək götürülüb.
Araşdırma zamanı saxlanılan şəxslərin sosial şəbəkələrdə tanış olduqları Əli adlı İran vətəndaşının təsiri altına düşərək ölkə ərazisində narkokuryerliklə məşğul olduqları müəyyən edilib.
Sonuncu dəfə isə onlar Bakı şəhərindən Qəbələ rayonuna gələrək burada gizlədilən narkotik vasitələri 2000 manat qarşılığında paytaxta çatdırmağa razılaşıblar.
Faktla bağlı cinayət işi başlanılıb.
