Masallıda kiberdələduzluq və bank kartlarından oğurluq halları ilə mübarizə çərçivəsində tədbirlər təşkil olunub. Bu haqda məlumatı Cenublu.az bu gün, 21 may tarixində Daxili İşlər Nazirliyinin (DİN) mətbuat xidmətinə istinadən verir.
Polis əməkdaşları vətəndaşları diqqətli olmağa çağırıblar, onlara heç bir halda bank və digər şəxsi məlumatları qarşı tərəfə ötürməməyin vacibliyi izah olunub.
Eləcə də bankomatların, ödəmə terminallarının ətrafında, mağazalarda, həmçinin əhalinin sıx toplaşdığı digər məkanlarda məlumatverici lövhələr asılıb, sakinlərə broşürlər paylanılıb.
