Lənkəranda polis əməkdaşlarının keçirdikləri əməliyyat nəticəsində 7 kq-dan artıq narkotik aşkarlanıb. Bu haqda bu gün, 30 avqust tarixində Cenublu.az Lent.az-a istinadən xəbər verir.
Lənkəran Şəhər Rayon Polis Şöbəsinin keçirdiyi əməliyyat nəticəsində narkotik vasitələrin qanunsuz dövriyyəsində şübhəli bilinən, əvvəllər məhkum olunmuş İlham Abasov saxlanılıb. Onun üzərindən 3 kq-yə yaxın narkotik götürülüb. Əməliyyat tədbirlərinin davamı olaraq İ.Abbasovun Liman şəhəri ərazisində zibillikdə gizlətdiyi bağlamadan 4 kq-dan çox marixuana, 1 ədəd “TOZ 8” markalı silah və silaha aid 24 ədəd patron aşkarlanaraq götürülüb.
Aparılan araşdırmalar zamanı bəlli olub ki, İ.Abasovun həmin narkotik vasitəni Liman şəhər sakini Vüqar Hüseynovdan satmaq üçün götürüb. V.Hüseynov saxlanılaraq üzərinə baxış keçirilib. Ondan 44 qram heroin və 67 qram tiryək aşkarlanaraq götürülüb.
Verilən məlumata əsasən, son 10 gün ərzində 21 nəfər saxlanılaraq məsuliyyətə cəlb olunub.
[URIS id=22283]
