Müğənni Niyam Salamiyə qarşı qohumu 550 min manatlıq dələduzluq edib. Bu haqda məlumatı Cenublu.az bu gün, 11 mart tarixində Qaynarinfo.az-a istinadən verir.
O bildirib ki, saxta kağıza qol çəkdirərək, ondan 550 min manat almaq istəyiblər. Müğənni bu haqda "Günaydın, Azərbaycan" proqramında danışıb:
"Bu yaxınlarda başıma iş gəldi. Adını çəkmirəm, qohumlarım eşitsin. Məktub gəldi ki, bir insan var, ona pul borclusunuz. Özü də 550 min manat. Balan var, adını çəkmirəm. Restoranla müqavilə bağlamışam. Götürüb həmin kağızın arasına kağız qoyub, saxta imza çəkdirib. "Yazdıqlarıma cavabdehəm" yazılı kağıza qol çəkmişəm. Maşınıma da həbs qoyulmuşdu. Dövlətimə təşəkkür edirəm, yoluna qoyuldu. Çox ayıbdır, dövlət adamlarını da incidirsiniz. Dayısı ilə birlikdə mənə hədə-qorxu gəlirlər".
Qeyd edək ki, Niyaməddin Salam oğlu Səfərov (Niyam Salami) 1976-cı ildə Masallı rayonunun Ərkivan kəndində dəmir yollarında mexanik işləyən Səfərov Salam İsmayıl oğlunun ailəsində anadan olub. Anası Səfərova Hacıxanım Fərhad qızı Astara rayonunun Kakalos kəndindən idi.
