Vaxtilə Neftçalanın iqtisadi həyatında mühüm rol oynayan dəmir yolu uzun illərdir istifadəsiz vəziyyətdədir.
Cenublu.az xəbər verir ki, vətəndaşların sözlərinə görə, əvvəllər yükdaşımaların həyata keçirildiyi dəmir yolu xətti və stansiya binası baxımsızlıq ucbatından yararsız hala düşüb. Hazırda yüklər əsasən ağır tonnajlı avtomobillərlə daşınır ki, bu da avtomobil yollarının tez sıradan çıxmasına səbəb olur.
Sakinlər hesab edirlər ki, dəmir yolunun yenidən istifadəyə verilməsi həm yükdaşımaların daha səmərəli təşkilinə, həm yolların qorunmasına, həm də rayonun iqtisadi inkişafına müsbət təsir göstərə bilər. Onlar aidiyyəti qurumlardan dəmir yolu infrastrukturunun bərpası ilə bağlı tədbirlər görülməsini xahiş edirlər.
