Lənkəranda qazi və şəhid ailələrinə mənzillərin satın alınması üzrə tender elan edilib. Bu haqda bu gün, 31 avqust tarixində Cenublu.az Əmək və Əhalinin Sosial Müdafiəsi Nazirliyinə istinadən xəbər verir.
Ölkənin ərazi bütövlüyünün müdafiəsi ilə əlaqədar əlil olmuş şəxsləri və şəhid ailələrini evlə təmin etmək məqsədilə nazirlik təkliflər qəbul edir. Qazi və şəhid ailələrinə 1, 2 və 3 otaqlı mənzillərin satın alınması nəzərdə tutulub.
Son müraciət tarixi 5 oktyabr olan tenderdə iştirak ödənişi nəzərdə tutulmayıb.
Tender iştirakçıları təkliflərini möhürlənmiş, imzalanmış şəkildə ikiqat zərflərdə yazılı surətdə təqdim etməlidirlər. Ünvan: AZ 1009, Bakı şəhəri, Salatın Əsgərova küçəsi, 85 (Əlaqələndirici şəxs : MUSTAFA MƏHYƏDDİNOV telefon : +994 12 596 44 09).
