Bakı Metropoliteninin “28 May” stansiyasında səs-küy salan Masallı rayonunun Türkoba kənd sakinləri həbs ediliblər. Bu haqda məlumatı Cenublu.az bu gün, 9 yanvar tarixində Den.az-a istinadən xəbər verir.
Belə ki, 22 yaşlı Azər Salahova (soyad şərtidir) 10, onun dostu, 24 yaşlı Xanəli Məmmədova isə 15 sutka həbs cəzası verilib.
Məlumata görə, həmkəndlilər restoranların birində yeyib-içiblər. Daha sonra qatarda sərxoş halda səs-küy salmağa, insanları narahat etməyə başlayıblar. Polis əməkdaşı onları “28 May” stansiyasında qatardan düşürüb və bu zaman dava düşüb.
