Azərbaycan Respublikasının Dini Qurumlarla İş üzrə Dövlət Komitəsi İslam dininə aid ibadət yerlərində aşağıdakı vakant vəzifələrin tutulması üçün müsahibə elan edir:
İmam vəzifəsi üzrə:
1. Salyan şəhəri "Beytül Əli" məscidi – 1 yer
2. Salyan rayonu Xıdırlı kənd məscidi – 1 yer
3. Biləsuvar şəhəri "İmam Zaman" məscidi – 1 yer
4. Astara rayonu Sım kənd məscidi – 1 yer
5. İmişli şəhəri "İmam Əli" məscidi – 1 yer
İmam müavini vəzifəsi üzrə:
1. Sabirabad rayonu Qaratuğay kənd (2) məscidi – 1 yer
2. Saatlı rayonu Seyidlər kənd məscidi – 1 yer
3. İmişli şəhəri "İmam Zaman" məscidi – 1 yer
4. Lənkəran rayonu Liman şəhər "Cümə" məscidi – 1 yer
5. Lənkəran rayonu Viyən kənd məscidi – 1 yer
6. Astara rayonu Şahağacı kənd məscidi – 1 yer
7. Lerik rayonu Livədirqə kənd məscidi – 1 yer
8. Neftçala rayonu Bankə qəsəbəsi "Həzrət Əli" məscidi – 1 yer
9. Masallı rayonu Sığdaş kənd məscidi – 1 yer
10. Cəlilabad rayonu Uzuntəpə kəndi "Əbəlfəz" məscidi – 1 yer
11. Yardımlı rayonu Ostayır kənd məscidi – 1 yer
Dini ayinlərin icraçısı vəzifəsi üzrə:
1. Biləsuvar rayonu Çaylı kənd məscidi – 1 yer
Müsahibədə iştirak etmək istəyən namizədlər 26 yanvar 2026-cı il saat 9:00-dan 25 fevral 2026-cı il saat 18:00-dək aşağıdakı sənədləri elektron qaydada [email protected] adresinə və ya kağız daşıyıcıda Dini Qurumlarla İş üzrə Dövlət Komitəsinə (Bakı şəhəri, Səbail rayonu, Əhməd Cavad küçəsi, 16, AZ 1001) təqdim etməlidirlər:
- Şəxsiyyət vəsiqəsinin surəti və ya bu barədə dövlət informasiya ehtiyatlarından çıxarış;
- Tərcümeyi-hal;
- Dini ali və ya orta ixtisas təhsil haqqında sənədin notarial qaydada təsdiqlənmiş surəti və ya bu barədə dövlət informasiya ehtiyatlarından çıxarış;
- Sağlamlıq haqqında arayış;
- Narkoloji dispanserdən arayış;
- Ruhi-əsəb dispanserindən arayış;
- Məhkumluq barədə arayış;
- Foto (3x4) (4 ədəd);
- Ərizə.
Tələb olunan sənədlərdən əlavə namizəd özünün elmi-pedaqoji və yaradıcılıq fəaliyyəti barədə sənədləri də təqdim edə bilər.
Müsahibədə iştirakla bağlı sənədlərin qəbulu üçün müəyyən edilmiş son müddət bitdikdən sonra müsahibənin keçirilməsi vaxtı və yeri Dini Qurumlarla İş üzrə Dövlət Komitəsinin internet saytında yerləşdiriləcək.
Müsahibədə uğur qazanmış namizəd yalnız sənədlərini təqdim etdiyi vakant vəzifəyə təyinat ala bilər.
Əlaqə nömrəsi:
(+994) 55 202 84 74
