Masallı rayon Heydər Əliyev Mərkəzində ali məktəblərə qəbul imtahanları zamanı yüksək nəticə göstərən və tələbə adını qazanan gənclərlə görüş keçirilib. Bu haqda məlumatı Cenublu.az bu gün, 8 sentyabr tarixində Masallı rayon Gənclər və İdman İdarəsinə istinadən verir.
Tədbirdə Masallı rayon İcra Hakimiyyətinin başçısı Araz Əhmədov, Millət vəkilləri Anar İsgəndərov, Məşhur Məmmədov, Masallı rayon Gənclər və İdman İdarəsinin rəisi Sabiq Cahangirov, "Masallı Gənclər evi" SMX-nin direktoru Fuad Mənsimov, məktəb direktorları, müəllimlər və media nümayəndələri iştirak ediblər.
Yüksək balla tələbə adını qazanan Türkoba kənd Səməd Vurğun adına tam orta məktəbin məzunu Elnar Babayev ( 663,6 bal), Həsənli kənd tam orta məktəbin məzunu Nurtac Məmmədzadə (660 bal), Sığdaş kənd tam orta məktəbin məzunu Gülsabah Əbilova (618 bal) çıxış edərək öz müəllimlərinə, valideynlərinə və dövlət başçısına yaradılmış şərait üçün minnətdarlıqlarını bildiriblər.
Sonda yüksək bal toplayan tələbələrə hədiyyələr təqdim olunub.
[URIS id=22798]
