“Masallı Gənclər Evi” sosial xidmət müəssisəsinin kollektivi “Vətənpərvərlik klubu” çərçivəsində Vətən müharibəsi qazisi Abbasov Nurlan Həsənalı oğlunu ziyarət edib. Bu haqda məlumatı Cenublu.az bu gün, 20 iyul tarixində verir.
Ziyarət zamanı qəhrəmanımızın keçdiyi şərəfli döyüş yolundan söhbət açılıb, qayğıları dinlənilib. Qəhrəmanımız müharibədə qələbə qazanmağının sevincini, döyüş xatirələrini bölüşüb.
Qeyd edək ki, Abbasov Nurlan Həsənalı oğlu 2 iyul 1990-cı il tarixində Masallı rayonunun Sarıcəfərli kəndində anadan olub. 2007-ci ildə orta məktəbi bitirib və çağırışçı kimi hərbi xidmətə yollanıb.
Vətən müharibəsi zamanı Qubadlı rayonunun azadlığı uğrunda gedən döyüşdə sol ayağından ağır yaralanıb. 3-cü qrup əlildir.
İlham Əliyevin Sərəncamına əsasən, Abbasov Nurlan Həsənalı oğlu “Qubadlının azad olunmasına görə”, “Füzulinin azad olunmasına görə”, “Vətən müharibəsi iştirakçısı”, “Vətən uğrunda” və “Cəsur döyüşçü” medalları ilə təltif olunub.
