Masallıda Sona Əzizovanın öldürülməsi ilə bağlı olan faktı Baş Prokurorluq təkzib edib. Bu haqda bu gün, 14 sentyabr tarixində Cenublu.az xəbər verir.
Hacıtəpə kənd sakini Sona Əzizova qətlə yetirilməyib.
"Belə ki, sentyabrın 13-də saat 21 radələrində Masallı rayonunun Ərkivan qəsəbə sakini, 69 yaşlı Sona Əzizova ailə üzvləri ilə birlikdə yaşadığı evin həyətində ehtiyatsızlıqdan sürüşərək yıxılıb, nəticədə yerdə olan şüşə qırıqlarının bədəninin müxtəlif hissələrinə girməsi nəticəsində xəsarətlər alıb. Qadın, xəstəxanaya yerləşdirilməsinə baxmayaraq, orada vəfat edib. Araşdırma zamanı izahatları alınmış mərhumun ailə üzvləri faktı təsdiq ediblər. Faktla bağlı Masallı rayon prokurorluğunda araşdırma davam etdirilir", - deyə Baş Prokurorluqdan bildirilib.
