Masallıda “Dünyamızı qoruyaq” mövzusunda dəyirmi masa keçirilib. Bu haqda məlumatı Cenublu.az bu gün, 27 may tarixində verir.
“Yaşıl dünya naminə həmrəylik ili”nə həsr olunmuş tədbirdə Dəfinə liseyinin şagirdləri iştirak ediblər. Tarix-Diyarşünaslıq Muzeyində təşkil olunan görüşdə iqlim dəyişiklikləri, su, torpaq və atmosfer havasının çirklənməsi, qlobal istiləşmə, ozon qatının zədələnməsi, su ehtiyatlarının tükənməsi, təbii fəlakətlərin ümumbəşəri problemə çevrilməsindən danışılıb.
Diskussiya formatında keçirilən tədbirdə fəallıq nümayiş etmiş şagirdlər diplomlarla təltif ediliblər. Sonda muzeyin direktoru Əntiqə Tağıyeva məktəblilər üçün ekskursiya təşkil edib.
