Masallı Rayon İcra Hakimiyyətinin başçısı Araz Əhmədov RİH-nin inzibati binasında vətəndaşları qəbul edib. Bu haqda məlumatı Cenublu.az bu gün, 24 may tarixində verir.
Görüşdə RİH başçısı aparatının məsul əməkdaşları, hüquq mühafizə orqanları rəhbərləri, rayonun idarə, müəssisə və təşkilat rəhbərləri, İcra Hakimiyyəti başçısının şəhər, qəsəbə və kənd inzibati ərazi dairəsi üzrə nümayəndələri və bələdiyyə sədrləri iştirak ediblər.
Qəbulda 20 nəfərə yaxın vətəndaşın müraciət və təklifləri diqqətlə dinlənilib, qeydiyyatı aparılıb. Araz Əhmədov qaldırılan məsələlərin həlli istiqamətində müvafiq qurumlara tapşırıqlar verib.
