Masallı rayonu ərazisində qanunsuz ovla məşğul olan Cəlilabad sakinləri tutulublar. Bu haqda məlumatı Cenublu.az bu gün, 2 fevral tarixində verir.
Masallı RPŞ tərəfindən qanunsuz ovun, mülki silahın daşınması qaydalarının pozulması hallarının qarşısının alınması məqsədilə tədbirlər keçirilib. Nəticədə Cəlilabad rayon sakinləri R.Rəhimov, F.Mirzəcanov, T.Rəhimov və S.Məmmədovun qanunsuz olaraq ov etdikləri müəyyən olunub.
Onlardan 4 ədəd müxtəlif markalı ov tüfəngləri, ov zamanı istifadə olunan müxtəlif alət və avadanlıqlar, o cümlədən qanunsuz olaraq ovladıqları çöl quşları müsadirə edilib.
Fakt üzrə araşdırmalar aparılır.
