Masallıda ölümlə nəticələnən yol qəzasını törədən Qorxmaz Hüseynovun cinayət işi üzrə ibtidai istintaq başa çatıb. Bu haqda məlumatı Cenublu.az bu gün, 31 yanvar tarixində Azərforum-a istinadən verir.
Сinayət işi materialları Lənkəran Ağır Cinayətlər Məhkəməsinə göndərilib. Məhkəmənin hazırlıq iclasının vaxtı hələlik məlum deyil.
Xatırladaq ki, Qorxmaz Hüseynov idarə etdiyi “Toyota Corolla” markalı avtomobillə hərəkətdə olarkən yolu keçmək istəyən piyadalar – 17 yaşlı İsa Cavadov və 20 yaşlı İslam Əliyevi vurub. Xəsarət alanlar hadisə yerində dünyalarını deyişiblər.
Sürücüyə qarşı Cinayət Məcəlləsinin 263.3-cü maddəsi üzrə ittiham irəli sürülüb.
