Masallı rayonunda Mübariz İbrahimovun doğum günü münasibətilə görüş təşkil olunub. Bu haqda məlumatı Cenublu.az bu gün, 7 fevral tarixində verir.
Tədbir Pensər kənd 2 saylı tam orta məktəbində baş tutub. Burada MM Pensər kənd Mədəniyyət Evinin direktoru Günel Melikova və metodist Xanım Əhmədova qəhramanın döyüş yolu haqqında məlumat veriblər.
Mübariz İbrahimov 7 fevral 1988-ci ildə Biləsuvar rayonunun Əliabad kəndində anadan olub. O, 2005-ci ildə orta təhsilini başa vurduqdan sonra Azərbaycan Daxili İşlər Nazirliyinə bağlı xüsusi təyinatlı qüvvələrdə xidmət edib. 2009-cu ildə isə Azərbaycan Silahlı Qüvvələrinin sıralarında könüllü xidmətə başlayıb.
2010-cu il iyunun 18-dən 19-na keçən gecə Tərtər rayonunun Çaylı kəndi yaxınlığında qəhrəmancasına həlak olub.
22 iyul 2010-cu il tarixində İbrahimov Mübariz Ağakərim oğluna ölümündən sonra “Azərbaycanın Milli Qəhrəmanı” adı verilib.
