Masallıda "Məişət zorakılığı, erkən nikahlar, intiharlar" adlı görüş baş tutub. Bu haqda məlumatı Cenublu.az bu gün, 24 may tarixində verir.
Tədbirdə "İntihar və intihara cəhd hadisələri”nin müəyyənləşdirilməsi, minimuma endirilməsi, qarşısının alınması istiqamətində zəruri tədbirlərin görülməsi barədə məlumat verilib. Məişət zorakılığına qarşı mübarizə, zorakılığın səbəb olduğu mənfi hüquqi və sosial nəticələrin qarşısının alınması, məişət zorakılığından zərər çəkmiş şəxslərin sosial müdafiəsi, habelə məişət zorakılığına səbəb olan halların aradan qaldırılması istiqamətində maarifləndirici söhbətlər aparılıb. Həmçinin erkən yaşda ailə quran gənclərin fizioloji, psixoloji cəhətdən yaşadıqları problemlər müzakirə edilib.
Yekunda iştirakçıları maraqlandıran suallar cavablandırılıb.
Görüş Masallı RİH-nin, Masallı Dövlət Regional Kollecinin, "Polisə-dəstək" İctimai Birliyinin birgə təşkilatçılığı ilə həyata keçirilib.
