73 saylı Masallı-Cəlilabad seçki dairəsinin dairə seçki komissiyasında Azərbaycan Respublikası Prezidenti seçkiləri ilə əlaqədar treninqlər keçirilib. Bu haqda məlumatı Cenublu.az bu gün, 18 yanvar tarixində Azərtac-a istinadən verir.
Gün ərzində iki dəfə keçirilən treninqlərin məqsədi məntəqə seçki komissiyaları üzvlərinin bilik, bacarıq və peşəkar vərdişlərinin gücləndirilməsi, seçkilərə hazırlıq, seçkilərin keçirilməsi, məntəqə seçki komissiyalarının vəzifələri və fəaliyyətlərinin təşkil edilməsidir.
Sessiyalar çərçivəsində, həmçinin səsvermə proseslərinə dair praktiki tapşırıqlar da həyata keçirilib.
Hər bir iştirakçıya “Seçki günü üçün yaddaş kitabçası”, eləcə də səsvermənin nəticələri haqqında protokol nümunəsi və bir sıra digər zəruri metodiki vəsaitlər, əyani materiallar verilib.
