Masallı Rayon İcra Hakimiyyətində məhərrəm ayının başlanması ilə əlaqədar tədbir keçirilib. Bu haqda məlumatı Cenublu.az bu gün 20 iyul tarixində verir.
Rayon rəhbəri, rayon Polis Şöbəsinin rəisi və eləcə də Dini Qurumlarla İş üzrə Dövlət Komitəsinin Masallı bölgəsi üzrə şöbəsinin müdiri Elvin Hüseynli və Qafqaz Müsəlmanları İdarəsinin Masallı rayonu üzrə Qazısı və Qazılar şurasının üzvü Rəşid Talıbov hər kəsi QMİ-nin Qazılar Şurasının müvafiq fətvasının tələblərinə ciddi riayət etməyi tövsiyə ediblər. Onlar qanvermə aksiyalarında fəal iştirak etməyin zəncir vurub, baş yarmaqdan və bədənə əziyyət verməkdən daha humanist hərəkət olduğunu bildiriblər.
Tədbirdə məhərrəm təziyəsinin islami dəyərlərə uyğun keçirilməsi ilə bağlı müsbət fikirlər səsləndirilib, iştirakçıları maraqlandıran suallar cavablandırılıb.
