Masallı rayon Mərkəzi Kitabxanasında kitabxananın yaranmasının 100 illiyi ilə əlaqədar “100 il oxucuların xidmətində” adlı tədbir keçirilib. Bu haqda məlumatı Cenublu.az bu gün, 25 aprel tarixində verir.
Tədbir rayon ictimaiyyətinin nümayəndələri, idarə və müəssisələrin rəhbərləri ilə birlikdə kitabxananın önündə hazırlanmış sərgilərə baxışla başlanılıb.
Sərgidə müstəqil Azərbaycan dövlətinin qurucusu və memarı ulu öndər Heydər Əliyevin həyat və fəaliyyətini əks etdirən kitablar, 44 günlük Vətən müharibəsindəki tarixi Zəfərimizə həsr olunan nəşrlər, yerli və xarici yazarların əsərləri nümayiş olunub.
Sərgi zamanı gənc oxucular açıq havada kitab oxumaq, habelə kitabxanaya üzv yazılmaq imkanından yararlanıblar. Yekunda Masallı rayon Mərkəzi Kitabxanası ilə mədəni-kütləvi tədbirlərin təşkilində birgə əməkdaşlığa görə rayonun bir sıra idarə və təşkilatlarına, habelə nümunəvi və fəal oxuculara kitabxananın fəxri fərman, təşəkkürnamə və hədiyyələri təqdim olunub.
