“Masallı Gənclər Evi” SXM-in və Masallı rayon Gənclər və İdman idarəsinin birgə təşkilatçılığı ilə “İnsan Alverinin Qurbanı Olma!” mövzusunda maarifləndirici tədbir keçirilib. Bu haqda məlumatı Cenublu.az bu gün, 31 avqust tarixində verir.
Tədbirdə çıxış edən qonaqlar müasir dövrümüzün ən aktual problemlərindən biri olan insan alveri anlayışı, insan alveri qurbanları, insan alverlərinin ağır nəticələri, qurbanların sosial və hüquqi müdafiəsi, insan alverinə qarşı mübarizə tədbirləri, onun profilaktikası və bu istiqamətdə həyata keçirilən tədbirlər barədə məlumat veriblər. Qeyd olunub ki, İnsan alveri bir çox dünya ölkələrində baş verən qlobal hadisədir. İnsan alverinin qurbanları kişi, qadın və həm də uşaqlar ola bilər. Cinsi istismar, məcburi əmək, borca görə köləlik, uşaq əməyinin istismarı, “ev” köləliyi, dilənçilik, insanların silahlı qruplaşmalarda məcburi işlədilməsi, orqan transplantasiyası məqsədi ilə insan alveri – bütün bunlar dəhşətli cinayətin fərqli növləridir.
Sonda gənclərin sualları cavablandırılıb.
