Masallı rayon İcra Hakimiyyəti yanında İctimai Şuranın üzvləri şəhərin müxtəlif ərazilərində sakinlərlə görüşərək abadlıq işləri ilə bağlı sorğu keçiriblər. Bu haqda məlumatı Cenublu.az bu gün, 7 sentyabr tarixində verir.
Belə ki, onlar Heydər Əliyev Parkında yenidənqurma və abadlıq işləri ilə bağlı sakinlərin fikrini öyrəniblər. Eyni zamanda onlar R.Əlihəsənov adına şəhər 1 nömrəli tam orta məktəbin qarşısında tikilən şəhid bulağının tikintisində çalışan inşaatçılar və sakinlərlə görüş keçiriblər.
Qeyd edək ki, ərazidə olan fəvvarə son illərdə təmir olunmadığı üçün yararsız vəziyyətə düşüb. Rayon rəhbərinin tapşırığı ilə fəvvarənin yenidən qurulması və qarşısında şəhid Niyaməddin Hüsaməddin oğlu Sultanzadənin adına bulağın tikintisi həyata keçirilir.
