Masallı Rayon İcra Hakimiyyətinin başçısı Araz Əhmədov növbəti səyyar qəbul keçirib. Bu haqda məlumatı Cenublu.az bu gün, 19 yanvar tarixində verir.
Görüş İcra Hakimiyyətinin inzibati binasında baş tutub. Buraya rayon İcra Hakimiyyəti başçısı aparatının məsul əməkdaşları, hüquq-mühafizə orqanları rəhbərləri, rayonun idarə, müəssisə və təşkilatlarının rəhbərləri, İcra Hakimiyyəti başçısının şəhər, qəsəbə və kənd inzibati ərazi dairələri üzrə nümayəndələri və bələdiyyə sədrləri cəlb ediliblər.
Qəbulda müxtəlif ərazilərdən ümumilikdə 30 nəfərə yaxın vətəndaş iştirak edib. Onların bütün müraciət və təklifləri diqqətlə dinlənilib, qeydiyyatı aparılıb. Qaldırılan məsələlərin həlli istiqamətində müvafiq qurumlara tapşırıqlar verilib.
