Masallıda "Kişilər bərabərlik üçün danışır” mövzusunda seminar təşkil olunub. Bu haqda bu gün, 1 sentyabr tarixində Cenublu.az Masallı RİH-yə istinadən xəbər verir.
Təlim zamanı gender eksperti Cavid İmamoğlu və fəlsəfəşünas Təbriz Qasımov “Cəmiyyətdə gender bərabərliyinin təmin olunması”, “Gender problemləri”, “Qadın və qızlara qarşı zorakılığın aradan qaldırılması”, “Gender bərabərliyində 3D modulu”, “Gender əsaslı zorakılıq”, “Gender və cins”, “Cinslərarası münasibətlər”, “Qadın və kişilərin hüquqları”, “Düşüncə və davranış” kimi mövzulardan danışıblar.
Görüşün keçirilməsində əsas məqsəd gender problemlərinin aradan qaldırılması və sadalanan mövzular ətrafında müzakirələrin aparılması olub.
Qeyd edək ki, seminar Avropa İttifaqının maliyyə dəstəyi və BMT-nin Əhali Fondunun təşkilatçılığı ilə keçirilib.
