Masallıda gənclər üçün “İnsan alverinin qurbanına çevrilmə!” adlı tədbir təşkil olunub. Bu haqda bu gün, 6 sentyabr tarixində Cenublu.az Ombudsmanın rəsmi saytına istinadən xəbər verir.
Tədbir Masallı Gənclər Evi sosial xidmət müəssisəsi və Masallı Rayon Gənclər və İdman İdarəsinin birgə təşkilatçılığı ilə baş tutub. Görüşdə Ombudsmanın Cənub Regional Mərkəzinin rəhbəri Ziya İsmayılov və digər dövlət qurumlarının nümayəndələri iştirak ediblər.
Ziya İsmayılov tədbirdə “İnsan alveri: təhlükələr və qabaqlayıcı tədbirlərin həyata keçirilməsi” mövzusunda çıxış edib. Çıxış zamanı iştirakçılara Azərbaycan Respublikasının İnsan Hüquqları üzrə Müvəkkili (Ombudsman) təsisatının insan alverinə qarşı mübarizə sahəsində fəaliyyəti barədə məlumat verilib.
