Masallıda gəncləri erkən nikah haqda məlumatlandırmaq məqsədilə seminar təşkil olunub. Bu haqda bu gün, 29 avqust tarixində Cenublu.az Masallı Gənclər Evinə istinadən xəbər verir.
“Erkən Nikaha Yox Deyək” adlı təbdirdə Masallı Rayon Tarix-diyarşünaslıq muzeyinin direktoru Əntiqə Tağıyeva, Muzeyin elmi işçisi Dilguşə Məmmədova, Uğur psixoloji və Nitq İnkişaf mərkəzinin psixoloqu Süsən Axundova və gənclər iştirak ediblər.
Görüş zamanı gənclərə erkən nikahın yarada biləcəyi fəsadlar haqda danışılıb. Seminarın keçirilməsində əsas məqsəd gənclərə erkən nikahın təhsildən yayınma və digər hüquq pozuntularına gətirib çıxardığını başa salmaqdır.
