Masallıda 20 yaşlı oğlan əmisi qızına qarşı seksual hərəkət edib.
Cenublu.az-ın əldə etdiyi məlumata görə, hadisənin istintaqı Masallı Rayon Məhkəməsində keçirilib.
Belə ki, təqsirləndirilən Asəf Seyidov (ad şərtidir) 2004-cü ildə Masallı rayonunda doğulub. O, 16 yaşına çatmayan, 2008-ci il təvəllüdlü zərərçəkmiş əmisi qızı Sevinc Seyidovaya (ad şərtidir) qarşı nənəsinə məxsus evdə seksual hərəkətlər edib. Belə ki, qızın razılığı ilə onunla öpüşüb-sevişib və qızlıq pərdəsinin anatomik tamlığını pozaraq təbii yolla cinsi əlaqədə olub.
Asəf Seyidov Azərbaycan Respublikası CM-nin 152.1-ci (seksual xarakterli hərəkətlər) maddəsi ilə təqsirləndirilib.
Məhkəmədə təqsirləndirilən şəxs qismində dindirilən Asəf Seyidov özünü təqsirli bilib:
“Nənəmlə birlikdə Masallı rayonu, Qızılağac kəndində yaşayıram. 2024-cü ilin fevral ayının əvvəllərindən Sevincgilə gedib-gəldim və ona qarşı sevgi hissi yarandı. Bunu Sevincə dediyim vaxtdan bəri onunla aramızda qarşılıqlı sevgi münasibəti yaranıb. Evlənmək üçün qoşulub qaçmaq barədə razılığa gəldik. Bir gün Sevinci nənəmin evinə gətirdim. Hər ikimizin razılığı ilə cinsi əlaqədə olduq. Bir müddət sonra Sevinc hamilə olduğunu dedi.
Həmin gün qızın razılığı ilə onu nənəmin evinə gətirdim. Daha sonra nənəmə hər şeyi danışdıq. O da əmim və əmim arvadına zəng edərək bu barədə məlumat verdi. Noyabrın 30-u həkim müayinəsinə getdikdən sonra polis şöbəsinə aparıldım. Əməlimdən peşmanam”.
Məhkəmə istintaqı zamanı zərərçəkmiş Sevinc Seyidova ifadə verib:
“Ötən ilin fevral ayının əvvəllərindən bəri əmim oğlu Asəflə bir-birimizi sevirik. Bir müddət gizli söhbət edərək danışdıq. Aprel ayının əvvəllərində onunla evlənmək məqsədi ilə qaçmağa razılaşdıq. Asəf bizim evə gələrək məni götürdü. Onunla birlikdə nənəmin evinə qaçdıq. Hər ikimizin istəyi ilə cinsi əlaqədə olduq. Sonra Asəf məni yaşadığımız evə gətirdi. Bir neçə ay sonra davamlı aybaşı olmadığımı görüb, test sayəsində hamilə olduğumu öyrəndim.
Yenidən Asəflə nənəmin evinə qaçdıq. Nənəm bu barədə bildikdən sonra ailəmə xəbər verdi. Noyabrda məni həkim müayinəsinə apardıqdan sonra polis əməkdaşları Asəfi şöbəyə aparıb”.
Məhkəmənin qərarı ilə Asəf Seyidov 1 il müddətinə azadlıqdan məhrum edilib.
Fidan İlqar
