Masallıda 1 həftə ərzində ailənin 3 üzvü dünyasını dəyişib. Bu haqda məlumatı Cenublu.az bu gün, 15 avqust tarixində Azxeber.com-a istinadən verir.
Əvvəlcə, 5 avqust tarixində Dəfinə Liseyinin müəllimi Məmməd Mürşüdov dünyasını dəyişib. Onun yas mərasiminə Masallının Ərkivan qəsəbəsinə 7 avqust tarixində yola düşən yaxın qohumları Bakı şəhərinin Qaradağ rayonu ərazisində ağır qəzaya düşüblər. Nəticədə ailənin 57 yaşlı gəlini Sevinc Mürşüdova hadisə yerindəcə vəfat edib. Qəzada ağır yaralanan ailənin 34 yaşlı oğlu Elvin Mürşüdov xəstəxanaya yerləşdirilsə də, 5 gün sonra, 12 avqust tarixində orada dünyasını dəyişib.
