Masallı rayonunun Qəriblər kəndi yaxınlığında baş vermiş yanğının daha geniş ərazilərə yayılmasının qarşısı alınıb. Bu haqda məlumatı Cenublu.az bu gün, 26 avqust tarixində Report.az-a istinadən verir.
Belə ki, yanğın mürəkkəb relyefli dağlıq ərazidə baş verdiyindən, onun qarşısını almaqda müəyyən çətinliklər yaranmışdır. Bu səbəbdən əraziyə FHN-in Dövlət Yanğından Mühafizə Xidmətindən əlavə olaraq, FHN-in Mülki Müdafiə Qoşunları, Xüsusi Riskli Xilasetmə Xidməti, Cənub Regional Mərkəzinin müvafiq qüvvələri və Aviasiya dəstəsinin iki ədəd helikopteri cəlb olunub.
Qeyd edək ki, hazırda ərazidə söndürülmə işləri aparılır.
