Masallıda 2 gəncin ölümü ilə nəticələnən yol qəzasını törətmiş 25 yaşlı Qorxmaz Hüseynova hökm oxunub. Bu haqda məlumatı Cenublu.az bu gün, 3 iyun tarixində Qafqazinfo.az-a istinadən verir.
Proses Lənkəran Ağır Cinayətlər Məhkəməsində keçirilib. Məhkəmənin hökmü ilə Q.Hüseynova 7 il həbs cəzası verilib. Onun həbs müddətindən sonra 4 il avtomobil idarə etməsi də qadağan edilib.
Hadisə ötən il dekabrın 9-da baş verib. Q.Hüseynov hadisə vaxtı avtomobili maksimal sürət həddi saatda 60 kilometr təyin edilmiş yerdə 120 km/saatla idarə edib. O, qəza anında idarəetməni itirib və maşın yoldan çıxaraq kənarda yerləşən marketlərdən birinin qarşısında dayanmış iki gəncə çarpılıb. Nəticədə İslam Əliyev və İsa Cavadov hadisə yerində ölüblər.
Qəzada həyatını itirən İslam Əliyev həm də gənc şair olub, onun şeirləri bir neçə dəfə mətbuatda dərc edilib.
