Masallı sakinindən 11 kiloqramdan artıq narkotik və 350 ədəd metadon həbi müsadirə edilib. Bu haqda məlumatı Cenublu.az bu gün, 2 fevral tarixində verir.
Nizami Rayon Polis İdarəsi əməkdaşları əməliyyat tədbiri təşkil ediblər. Nəticədə Masallı rayon sakini, əvvəllər narkotiklərlə əlaqəli cinayətə görə məhkum olunmuş Orxan Məmmədov tutulub. Ondan 50 ədəd metadon həbi götürülüb.
Həmçinin polis əməkdaşları tərəfindən onun idarə etdiyi “Toyota” markalı avtomobilə baxış zamanı 2 kiloqram 538 qramı heroin, 1 kiloqram 517 qramı metamfetamin, 7 kiloqramdan artıq marixuana və 300 ədəd metadon həbi tapılıb.
