Göyçayda Masallı sakinindən külli miqdarda narkotik və avtomat müsadirə edilib. Bu haqda məlumatı Cenublu.az bu gün, 22 yanvar tarixində verir.
Göyçay RPŞ-nin əməkdaşları tərəfindən həyata keçirilən əməliyyat tədbiri nəticəsində Masallı rayon sakini, əvvəllər də qaçaqmalçılıq və narkotiklərin satışı ilə məşğul olduğu üçün məhkum olunmuş 29 yaşlı Elməddin Rzayev tutulub. Ondan 4 kq 625 qr qurudulmuş marixuana, 1 kq həşiş, 2 kq 255 qr tiryək, 386 ədəd psixotrop tərkibli həb, eləcə də “Kalaşnikov” markalı avtomat, həmin silaha məxsus daraq və 30 ədəd patron aşkarlanaraq götürülüb.
Müəyyən edilib ki, E.Rzayev WhatsApp vasitəsilə əlaqə saxladığı İran vətəndaşından onlayn rejimdə narkotik və odlu silah alıb.
Rayon məhkəməsinin qərarı ilə onun barəsində 4 ay müddətinə həbs-qətimkan tədbiri seçilib.
Qeyd edək ki, E.Rzayev 2019-cu ildə ölkəyə narkotik keçirməyə cəhd edərkən saxlanılaraq məsuliyyətə cəlb edilib.
