Masallı sakinində 6 kiloqramdan artıq narkotik vasitə aşkarlanıb. Bu haqda məlumatı Cenublu.az bu gün, 16 fevral tarixində verir.
Belə ki, Rayon Polis Şöbəsi əməkdaşlarının keçirdikləri əməliyyat tədbirləri nəticəsində narkotik və psixotrop maddələrin qanunsuz dövriyyəsində şübhəli bilinən rayon sakini Eldəniz Mirzəyev saxlanılıb.
Keçirilən baxış zamanı onun əlindəki çantadan 4 kiloqram 500 qram marixuana, 1 kiloqram heroin, 1 kiloqram metamfetamin aşkarlanaraq götürülüb. Araşdırmalarla narkokuryerliyə cəlb edilən E.Mirzəyevin ölkəmizə qaçaqmalçılıq yolu ilə gətirilən həmin narkotik vasitə və psixotrop maddəni şəxsiyyəti istintaqla araşdırılan İran vətəndaşı vasitəsilə əldə etdiyi müəyyən edilib. Onun barəsində həbs qətimkan tədbiri seçilib.
Faktla bağlı araşdırma aparılır.
[caption id="attachment_53854" align="alignnone" width="336"]
Foto DİN[/caption]
