Qax şəhərində yerləşən mağazaların birindən oğurluq edən Masallı rayon sakini saxlanılıb. Bu haqda məlumatı Cenublu.az bu gün, 4 may tarixində Daxili İşlər Nazirliyinə istinadən verir.
Obyekt sahibi içərisində pul, bank kartları və sənədlər olan pulqabısının oğurlanması barədə polisə məlumat verib. Şəki regional qrupundan verilən məlumata görə, Rayon Polis Şöbəsi əməkdaşlarının həyata keçirdikləri tədbirlərlə əməli törətməkdə şübhəli bilinən Masallı rayon sakini, 53 yaşlı Azər Əliyev saxlanılıb. O, əldə etdiyi maddi vəsaitin bir hissəsini xərclədiyini bildirib. Pulun qalan hissəsi və sənədlər isə saxlanılan şəxsdə aşkarlanıb.
Qeyd edək ki, A.Əliyev əvvəllər də soyğunçuluq, oğurluq və digər cinayətlərə görə dəfələrlə məhkum edilib. Sonuncu dəfə isə bir müddət əvvəl paytaxtda törətdiyi analoji əmələ görə axtarışda olub.
Məhkəmənin qərarı ilə A.Əliyev barəsində həbs qətimkan tədbiri seçilib, araşdırmalar davam etdirilir.
[caption id="attachment_58824" align="alignnone" width="336"]
Daxili İşlər Nazirliyi[/caption]
