Masallı sakini Abşeron rayonunun Hökməli qəsəbəsində həyat yoldaşını və övladını qətlə yetirib. Bu haqda məlumatı Cenublu.az bu gün, 22 iyun tarixində verir.
Belə ki, 30 yaşlı Fərid Hüseynli ilk olaraq həyat yoldaşına - 20 yaşlı Bakı Dövlət Universitetinin Biologiya fakültəsinin 3-cü kurs tələbəsi olan Leyla Hüseynliyə bir neçə bıçaq zərbəsi vuraraq öldürüb. Bıçaq zərbələrindən biri həyat yoldaşının qucağında olan 8 aylıq qızı Aliyə Hüseynliyə dəyib. Körpə xəstəxanaya aparılarkən yolda keçinib. Fərid Hüseynli daha sonra əlində olan bıçaqla öz qarın boşluğuna ağır zərbələr endirib.
O, xəstəxanaya çatdırılıb. Xəstəxanadan verilən məlumata görə, Fərid Hüseynli 4 litr qan itirib və vəziyyəti kafidir.
Qətlin qısqanclıq zəminində törədildiyi ehtimal edilir.
Qeyd edək ki, əslən Masallıdan olan 30 yaşlı Fərid Hüseynli Bakıda zərgərliklə məşğul idi.
Faktla bağlı cinayət işi başlanılıb. İbtidai istintaq davam edir.
