Masallı rayonunda sakin sosial şəbəkədəki elana aldanıb. Bu haqda məlumatı Cenublu.az bu gün, 11 yanvar tarixində Xəzər Xəbər-ə istinadən xəbər verir.
Belə ki, Çaxırlı kənd sakini Ramin Şıxəliyev polisə müraciət edib. Onun sözlərinə görə, o, sosial şəbəkədə vətəndaşlara müxtəlif məbləğlərdə kredit verən teşkilatın canlı yayımını görüb. 1000 manat məbləğində kredit almaq istəyən sakin canlı yayımdakı qadınla əlaqə saxlayıb. Daha sonra sənədləşmə işləri üçün həmin qadının bank kartına 85 manat pul göndərib.
Lakin pul göndərəndən sonra qadından geri dönüş olmayıb. Kişi bir neçə gün ərzində fərqli mobil nömrələrlə həmin qadınla əlaqə saxlamaq istəyib, amma cavab gəlməyib.
Hazırda Masallı Rayon Polis Şöbəsində araşdırma aparılır.
