Masallı rayon sakinində Bakıda narkotik aşkarlanıb. Bu haqda məlumatı Cenublu.az bu gün, 6 sentyabr tarixində Daxili İşlər Nazirliyinə istinadən verir.
Belə ki, Binəqədi Rayon Polis İdarəsi əməkdaşlarının keçirdikləri əməliyyat tədbiri nəticəsində Masallı rayon sakini Y.Əmiraslanovda 15 qrama yaxın marixuana və 5 qrama yaxın metadon aşkar edilib. Həmçinin onun idarə etdiyi “VAZ-2107” markalı avtomobildən əlavə 2 kiloqramdan artıq marixuana götürülüb.
Faktla bağlı araşdırma aparılır.
