Masallıda Azərbaycan Silahlı Qüvvələrinin giziri, Vətən Müharibəsi şəhidi İntiqam Bayram oğlu Əsgərlinin doğum günü münasibətilə xatirə mərasimi keçirilib. Bu haqda məlumatı Cenublu.az bu gün, 16 avqust tarixində YAP Masallı rayon təşkilatına istinadən verir.
Mərasimdə Masallı RİH-nin başçısı Araz Əhmədov, YAP Masallı rayon təşkilatının sədri Seyfəddin Əliyev, Milli Məclisin deputatları Məşhur Məmmədov və Anar İsgəndərov, həmçinin idarə, müəssisə və təşkilat rəhbərləri, şəhidin ailə üzvləri və rayon ictimaiyyətinin nümayəndələri iştirak ediblər.
İlk öncə şəhidimizin məzarı ziyarət olunub, üzərinə gül dəstələri qoyulub və onun ruhuna dualar oxunub.
Daha sonra şəhidimizin yaşadığı evdə keçən mərasimdə çıxış edənlər 44 günlük Zəfər tariximizdən, şəhidlərimizin qanı bahasına geri aldığımız torpaqlarımızdan söz açıblar. Şəhid ailəsi, öz növbəsində, qazanılan qələbəyə görə prezidentə və ailəyə göstərilən qayğıya görə birinci vitse-prezidentə öz minnətdarlıqlarını çatdırıblar.
[URIS id=21582]
