Masallı rayonu Hişkədərə kəndində Vətən müharibəsi şəhidi İbrahim Həzrətqulu oğlu Lələyevin xatirəsinə inşa olunan bulağın açılışı baş tutub. Bu haqda məlumatı Cenublu.az bu gün, 26 avqust tarixində Masallı RİH-ə istinadən verir.
Açılış mərasimində Masallı Rayon İcra Hakimiyyətinin başçısı Araz Əhmədov, Milli Məclisin deputatları Məşhur Məmmədov və Anar İsgəndərov, hüquq-mühafizə orqanlarının rəhbərləri, şəhid ailələrinin üzvləri, qazilər, kənd sakinləri, ziyalılar, eləcə də rayon ictimaiyyətinin nümayəndələri və jurnalistlər iştirak ediblər.
Mərasimdə çıxış edənlər 44 günlük Vətən müharibəsində Azərbaycan Ordusunun qazandığı tarixi Qələbədən danışıblar. Sonra Hişkədərə kənd tam orta məktəbinin şagirdləri şəhidlərimizə həsr edilən şeirlər səsləndiriblər. Daha sonra ehsan süfrəsi açılıb.
Şəhidin ailə üzvləri, kənd sakinləri, qonaqlar, Qafqaz Müsəlmanları İdarəsinin səlahiyyətli nümayəndəsi Məftun Hüseynov və başqaları “Qurani-Kərim”dən ayələr oxuyublar.
Mərasimin sonunda Hişkədərə kənd qəbiristanlığında şəhid İbrahim Lələyevin məzarı ziyarət olunub, üzərinə tər qərənfillər düzülüb.
[caption id="attachment_22078" align="alignnone" width="336"]
Masallı RİH[/caption]
[caption id="attachment_22077" align="alignnone" width="336"]
Masallı RİH[/caption]
